Inicio

Xa estamos na “nova normalidade”

Deixar un comentario

Reabrimos!

Desde o 15 de Xuño estamos na CICA nas mañás dos luns, mércores e venres de 10 a 13:30, para coordinarmos as clases de Xullo e Agosto, que xa poderán ser presenciais, e irmos preparando o próximo curso, que vai vir “cargadiño”.

Falade connosco porque agora é o momento de recuperar ou adiantar a materia que non entrou nos últimos meses por causa de coronavirus e que si vai entrar no primeiro trimestre do próximo ano académico.

Que ninguén se leve un susto cando comecen os coles e institutos outra vez! 🙂

Obviamente, tomaremos todas as medidas de prevención recollidas no plan de continxencia que preparamos segundo as orientacións das autoridades sanitarias. CICA é un espazo libre de vírus! 😉

 

 

A CICA desde casa

Deixar un comentario

Ola boas xentes da CICA!

Que? Como levades a situación? Veña que estamos xuntos nisto e cada vez falta menos para superarmos este bache! 🙂

Xa sabedes que a Academia CICA leva fisicamente pechada desde o 13 de Marzo, e dicimos “fisicamente” porque en realidade a actividade non parou.

Pois si, tiramos de inventiva e equipazo e fumos quen de poder seguir ofrecendo todos os nosos servizos, dentro do posible.
Mirade algunhas fotos das nosas sesións de Skype, Zoom, WhatsApp Web, etc. Así tamén se aprende na casa!

Facemos e faremos o que faga falta para continuar acompañando un curso lectivo que aínda que raro (seguramente o máis estraño das nosas vidas) non por iso menos importante, porque a educación continúa e continuará dalgunha forma ou outra, cunhas datas ou outras 😉
Cremos, de feito, que é fundamental non baixar a garda na formación, pois antes ou despois os temarios terán que completarse, e todo o que se saiba ou deixe de saber será útil e relevante.

Pero agora queremos aproveitar este recunchiño que temos en internet para, como é de xustiza, agradecervos de todo corazón a confianza que seguides depositando en nós nestes momentos, aínda que sexa na distancia e por medio dunha pantalla.

Sabemos que estades aí e nós queremos continuar estando aí tamén para vós e para as vosas familias.

Forza! Que isto pasa!

The Show Must Go on 😀

 

 

Just landed (or simply curious)? We’ll give you a hand!

Deixar un comentario

Are you an expat in Galicia? Are you a native English speaker or are you fluent in English?

Whether you are here temporarily or you’ve decided to make this your permanent home (welcome!), we invite you to make the most of it and gain a greater appreciation of this little country of ours 🙂

So contact us for details on our Galician culture and language classes through English!

This course is taught by Xoán, a multilingual cross-cultural expert with years of international experience in research, teaching and, well, everything and anything Galician 😀
Actually, he’s also an official tourist guide so the course includes a walking tour in the city of Pontevedra. How about that?

Since this is something new nobody else offers in Galicia, we can actually tailor the courses to your interests, making it dynamic and fluid. Do you need to improve your language skills? Good. Do you prefer to focus on the culture and society? That’s great too! You’ll end up knowing more than many locals do, promise!

Like someone once said:

“A language is not only a human creation, but also a form of expressing a conception of the world, a means of expressing relationships with nature, an oral tradition, and ultimately a culture, thereby contributing to the global enrichment of humanity”

 

Novo curso: Anotádevos que as prazas voan!

Deixar un comentario

O que somos é, ao final, un conxunto de lembranzas e coñecementos, así que aquí estamos de novo para axudar a ampliar ese saber e esas experiencias… Ui que filosóficos nos puxo o verán 😀

Vinde logo a partir do martes 24 de Setembro de 10 a 14 e 17 a 20 para as preinscricións e organización dos novos horarios, porque no 1 de Outubro zarpamos a toda vela cara o curso académico 2019-20!

Que dicir ten que continuamos coa nosa política de matrícula gratuíta e toda a ilusión do mundo que lle metemos a este proxecto que vai facer xa 16 anos.

O noso equipazo está aquí para todas as idades e todos os niveis, incluíndo tamén adultos que, por exemplo, queiran aprender idiomas.
Lembrade que a CICA oferece todos estes servizos: línguas, informática, consultoría, tradución, reforzo para todas as asignaturas de primaria, ESO e bachalerato, máis Kids English e Deutsch für Kinder. E a nosa total disposición a axudarvos no que poidamos, como sempre 🙂

Non nos movemos de sitio, estamos en Virxe do Camiño 49, Pontevedra.
Para calquera dúbida ou pregunta é só contactar connosco. Estamos tamén en Facebook, claro.

Recta final! (e algo especial de inglés no estranxeiro)

Deixar un comentario

Último empurrón no fin do curso académico! Forza! 😀
Xa sabedes que CICA está aquí para vós, agora e durante o verán.

A data oficial de remate é o 21 de Xuño, pero os alumnos e alumnas que desexen poden recuperar as horas da última semana do mes antes dese día; é tan fácil como falar cos respectivos mestres.

Despois diso abriremos a partir do día 24 e nesa semana o noso horario será: luns e mércores de 10 a 13:30 e de 17 a 20:00, e martes e xoves de 10 a 13:30 (venres 28 pechado).
Faremos entrega dos traballos de curso e, moi importante, coordinaremos as clases e horarios definitivos de verán 😉

É un non parar, porque durante Xullo e Agosto estaremos aquí para recuperar esas “cousiñas pendentes” que poidan quedar e tamén, que ninguén esqueza, para ofrecer cursos de idiomas para adultos.

Ademáis, este ano, através do noso profe Xoán, todos os alunos e alunas de CICA entre 11 e 18 anos poden aproveitar eses meses para pasaren uns días nun país de fala inglesa realizando toda clase de actividades 😀 Contactade directamente con Xoán para máis información, porque a oferta de programas é moi variada!
Existe tamén a posibilidade de completar un curso académico enteiro, totalmente homologábel, e tamén realizar estadías en lugares de fala francesa e alemá… O dito, preguntade 😉

Setembro é sempre o noso mes de vacacións e aínda así voltaremos o 23 (luns) para concretarmos horarios do curso 2019-20. Xa chegará!

Como sempre, aproveitamos esta ocasión para agradecer de corazón a vosa confianza no noso traballo e agardamos contar sempre convosco.

Sara, Ladi, Ramón, Xoán, Jaime, Coni e Carlos.

🙂

De festas e aninovo!

Deixar un comentario

Hoxe e o día do solsticio de inverno (mira ti!) e xa non queda nada para desconectarmos un pouquiño 🙂

Aproveitade moito estes días! Toca unha merecida pausa.

Nós aínda andaremos por aquí nas mañás do mércores 26, xoves 27 e venres 28 de Decembro para recuperar ou avanzar algo de material, pero sempre desfrutando!

E senon… vémonos no 2019! (voltamos á “normalidade” total a partir do luns 7 de Xaneiro).

Boas, boísimas, festas 😀

Un luxo poder facer isto para vós

Deixar un comentario

Pinchade para ver o texto, ou comprade o xornal 😀

Hoxe recibimos un agasallo vía Diario de Pontevedra da man do grande Rodrigo Cota, que nos inundou con cinco columnas de boas palabras 🙂

Realmente, para nós isto é simplemente “o que facemos” no día a día, pero claro, facémolo con todo o cariño, tentando dar o mellor de nós para axudar a toda a xente, grande e pequena, que entra pola nosa porta, xa desde 2003.

E é sempre un traballo colectivo, que ninguén o esqueza, onde todo o persoal da CICA, pasado e presente, tivo e ten sempre claro que hai que aprender da experiencia. As cousas saen mellor cando te rodeas dun equipazo!

Sabedes un secreto? Ás veces preguntámonos: como me gustaría a min que me explicaran isto? Ou, como me poderían ter motivado máis cando andaba na escola? E así facemos, picando na curiosidade, apelando á responsabilidade de igual a igual, mostrando exemplos prácticos e compartillando esa experiencia da que falábamos.

Así que nada, xa sabedes, aquí estamos e estaremos, agora preparando xa o seguinte curso que comeza este luns 1 de Outubro.

Avante toda! 😀

PD. Rodrigo, non esquezas que tamén temos cursos de idiomas para adultos e cousas desas… xa sabes, se te animas a darlle ao que sexa… 😉 😀

Acaba o curso, seguimos traballando para vós

Deixar un comentario

Imos rematando máis un curso académico, pero xa sabedes que CICA continua aquí para vós 🙂

A data oficial de remate é o 22 de Xuño. Lembrade que os alumnos e alumnas que desexen poden recuperar as horas da última semana do mes antes dese día (é tan fácil como falar cos respectivos mestres!).

Despois diso abriremos a partir do día 25 e nesa semana o noso horario será: luns e mércores de 10 a 13:30 e de 17 a 20:00, e martes e xoves de 10 a 13:30 (venres pechado). Nesa semana faremos entrega dos traballos de curso e, moi importante, coordinaremos as clases e horarios definitivos de verán 😉

E é que a CICA non para! Durante Xullo e Agosto estaremos aquí para recuperar esas “cousiñas pendentes” que poidan quedar e tamén, que ninguén esqueza, para ofrecer cursos de idiomas para adultos (novidades sobre iso en breve).

Setembro será o noso mes de vacacións e aínda así voltaremos o 24 (luns) para concretarmos horarios do curso 2018-19. Xa chegará!

Como sempre, aproveitamos esta ocasión para agradecer de corazón a vosa confianza no noso traballo e agardamos contar sempre convosco.

Pilar, Nuria, Rocío, Ramón, Xoán, Jaime, Coni e Carlos.

🙂

 

O tempo voa… e ven o 2018

Deixar un comentario

O Apalpador, a (afortunadamente) recuperada figural tradicional galega que trae cousas boas para peques e non tan peques…

O tempo voa! Xa entramos nas festas desta época, así que… boas festas a todos e todas!

E bo 2018 tamén! 2018… que cifra tan “futurista”, verdade? 😀

Voltaremos á nosa rotina habitual o luns 8 de Xaneiro, pero que ninguén esqueza que a CICA non para e que organizamos grupos especiais de mañá para os días 26 e 27, e despois o 2 e 3 (9:30 a 14:00).

Seguro que os interesados e interesadas xa teñen copia do seu horario personalizado, que estivemos repartindo na medida do posíbel 😉 Senon… só tendes que preguntar.

En calquera caso, pasade uns días estupendos coa vosa xente querida, celebrade en paz e que o Apalpador vos traia o agasallo que queredes entre as castañas 🙂

Un saúdo e os mellores desexos de todo o equipo da CICA.

Chega o verán, avante toda!

Deixar un comentario

Ola! O curso académico 2016-17 remata oficialmente o venres 23 de Xuño, pero a CICA continuará aberta para coordinar as clases de verán, sexan estas de recuperación ou de idiomas para adultos.

Así, a partir do luns 26 estaremos onde sempre de 10 a 13:30 e de 17 a 20:30.

Que se imos de vacacións? Claro, en Setembro! Non vai ser todo traballar 😉 Iso si, a partir do 25 dese mes abriremos as portas de novo para concretarmos os horarios do curso 2017-18.

Como sempre, agradecemos infinito a vosa confianza no noso traballo e esperamos voltar a contar con todos e todas vós.

E o dito, estade atentos e atentas a este web e ao noso perfil de Facebook porque continuaremos comunicando e falando deses cursos de idiomas para adultos 🙂

Karla, Rocio, Ramón, Xoán, Jaime, Koni e Carlos.

Older Entries